Qof ku dhaawacmay dagaallada Muqdisho

Wareysiga

Haddaba waxaan telefonka kula xiriirnay Cabdiqaadir Cabdiraxmaan Cali oo ah Kalkaaliye caafimaad oo halkaasi ku sugnaa xilliga uu hoobiyuhu kusoo dhacay halkaasi, oo ka waramay sida ay wax u dhaceen.

Dadka bara-kacay

Daraasad cusub oo la sii daayay Talaada maanta ah ayaa muujisay in kalabar dadka Soomaaliyeed ay u baahan yihiin gargaar bini’aadanimo, iyada oo Soomaaliya ay haatan ka jirto xaalad nafaqo darro tan ugu ba’an ee adduunka ka taagan.

Cindy Holleman oo ah madaxa kooxda farsamo ee hogaaminaysay daraasaddan ayaa sheegtay in laga soo bilaabo biloowgii sannadkan markii ay dagaalladu sii xoogaysteen la dareemayay xaalad ka sii daraysa oo ka jirta dhinaca cunno yaraanta iyo nafaqada.

Kooxdkan ayaa sheegtay in dad ka badan saddex milyan iyo todoba boqol oo kun oo Soomaali ahi ay u baahan yihiin gargaar bini’aadanimo. Waxa ay sheegeen in afar meelood, saddexdood dadkaasi ay ku nool yihiin bartamaha iyo koonfurta Soomaaliya, halkaas oo ay dagaalladu marayaan marxaladdoodii ugu xumayd.

Kooxdu waxa kale oo ay sheegeen in tirada dadka ka soo barakacay guryahooda tan iyo bishii Janauray ee sannadkan ay korortay 40 boqolkiiba, taasoo gaarsiisay tirada barakacayaayasha hal milyan iyo afar boqol oo kun.

	Cunto

Hay'adda ka shaqeysa amaanka cunnadda iyo nafaqeynta ayaa waxay xaqiijineysaa in xaaladda bani'aadaninimo ee Somaalia ka jira in ay sii baahayaan, kana sii darayaan, iyadoo ay dad badan u baahan yihiin cunno gargaar ah.

Warbixinta

Aden Nux Dhuule ayaa aqriyay war-saxaafadeed ay soo saartay hay'addani oo noo soo koobaya.

Dhinaca kale, Hay'adda amaanka cunnadda iyo nafaqeynta ayaa waxay xaqiijineysaa in xaaladda bani'aadaninimo ee Somaalia ka jira ay sii baahayso iyadoo ay abaartu ka jirto gobolo badan haba ugu daraadaane goboladda Hiiraan iyo galgaduud.

Xafiiska Sarkozy, ayaa ku sheegay war uu soo saaray maanta, in la soo dhowaynayo sii daynta afarta qof reer Europe iyo laba Kenyan ah oo la shaqaynayay hay'adda ACF.

Warka, ayaan faahfaahin dheeraad ah ka bixin sida loo soo daayay.

Xarunta Paris ee hay'adda ACF ayaan isla markiiba cadaynin sii daynta.

Waxaa maanta howlo dayactir ah ay ka bilowdeen wado jidcadde ah oo isku xirta Isgoyska Ifka Xalane ilaa iyo wadada Kaaraha loo yaqaano ee ka dambaysa Buurka Ciise Cabdi ee degmada Dayniile magaalada Muqdisho.

Sheekh Cali Max’uud Raage (Sheekh Cali Dheere) Afhayeenka Xarakada Mujaahidiinta Al-Shabaab oo shir jaraa’id ku qabtay goobaha uu dayactirku ka socoday ayaa waxaa uu sheegay in howlahaani dayactirka ah ee ay wadaan ciidamada Xisbada ee gobolka Banaadir ay yihiin kuwa ay sii wadi doonaan isagoo sheegay in wadada ay maanta dayactireen ay aheyd mid ay dhib ku qabeen gaadiidka.

Daawo Sawarrida

Qaar ka mid ah gabdhaha Jaaliyada somaliyeed ee ku dhaqan dalka holand oo kaalmo wax ku ool ah Gaarsiiyey ka dadka guryahoodii ka barakacay ee dagan inta u dhaxayso Muqdishu iyo Afgooye.

In ka badan 100 qoys oo ah dadka guryahoodii kaga cararay dagaalada aan dhamaadka laheyn eek u sugan deegaanada u dhaxeeya Muqdisho iyo Afgooye ayaa la gaarsiiyey deeaq lacageed ay iska soo uruuriyeen qaar ka mid ah haweenka ku dhaqan dalka Holland gaar ahaa Magaalada   Hague.

Kaalmadaan oo gaareysay $500 ayaa waxaa wakiil ka ahaa gabdhahaas Faadumo Jaamac oo iyadu so gaarsiisay Marwo Caasha cusman ugaas (casha shaacuur) oo iyadu  gacanteeda ku qeybisay.

Daawo Sawarrida

	Golaha magaalada Stockholm

Intii aasku socda ayaan la xiriiray Sheekh Xuseen Faarax oo ka mid ah wadaada soomaliyeed oo ka qeybagalay Aaska qoyskaan soomaliyeed, qababanqaabadiisana ganaca ka geystay.

Aamina Muuse Weheliye, ayaa sheekha weydiiyey sida aasku u socdo.

Sheekh Xuseen

Dabka ay ku dhinteen 7-da qof, ayaa waxaa uu ka kacay guryo hoose oo ka tirsan dhisme dabaq ah oo qoysku dabaqa shanaad ka deganaayeen.

	Guddoomiyaha Guddiga Doorashada Somaliland

Guddiga Doorashooyinka Somaliland, ayaa maanta ku dhawaaqay in Wakiilkii Hay'adda xafiiskeeda Hargeysa laga eryo Somaliland .

Wuxuu ku eedeeyay Wakiilka inuu Si sharci darro ah Shalay Galab ugu qaybiyay Xisbiyada Qaarkood Natiijadii diiwaangelita Codbixiyayaasha ee Muranku Ka taagnaa.

Waraysiga

Guddoomiyaha guddiga doorashooyinka Jaamac Maxamuud Cumar oo markaa ka dib uu wareystay Weriyaha BBC-da ee Hargeysa Axmed Saciid Cige ayaa ugu sababaha ay u eryeen wakiilkii hay'adda Interpeace Mr. Samoro.

Wasiirka Bini Aadanimada iyo Dib u dejinta Dowladda KMG ah ee Soomaaliya oo maanta dowladda Liibiya kala wareegay Deeq Teendhooyin ah oo loogu Talogalay dadkii ka barakacay Magaalada Muqdisho.

Dr Maxamed Cabdi Ibaarhim (Garweyne) Wasiirka Bini Aadanimada iyo Dib u dejinta Dowladda KMG ah ee Soomaaliya ayaa maanta ka warbixiyay Deeq gaaraysa 960-Teendho oo ay ugu deeqday Hey’adda Qadaafi ee dalka Liibiya dadka ka barakacay Magaalada Muqdisho.

Deeqdaan ayaa ahayd tii labaad ee ay soo gaarsiiso Hey’adda Qadaafi dowladda Federaalka Soomaaliya, isagoo wasiirku sheegay in deeqdaan la gaasiiyay 350-Teendho dadka u barakacay deegaanka Ceelasha Biyaha, halka 450-kalana la gaarsiiyay Duleedka Waqooyiga Magaalada Muqdisho, isagoo sheegay in ina harayna la gaarsiinaayo dad kale oo barakacayaal ah.

Daawo Sawirrada

	Xoghayaha Guud ee Qaramada Midoobay Ban Ki-moon

Warxbixin uu saddexdii biloodba mar u gudbiyo golaha amaanka ayuu Mr Ban wuxuu sheegay in hawlaha ciidamada AMISOM ay u baahan yihiin gacan kale, si loo kordhiyo tirada ciidamada AU ee somalia oo loo gaarsiiyo 8 kun oo askari.

Ban Ki-moon wuxuu sheegay in loo baahan yahay in la taageero dawladda Soomaaliya oo iminka ay dagaalo isaga soo horjeedaan xoogaga islaamiyiinta ee kacdoonka ku haya.